ياراكب اللي يـوم تسمـع وشيشـه=وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة=وتبيـن أنيـابٍ سـوات المناقـيـش
يمرج مع البيـدا إمـراج الخريشـة=إلى أمرجت بين الوحش والنواحيـش
مـن عقـب ماهـي للمنايـا وليشـة=بين الصقـور ومبهمـات النواتيـش
حيت حياة اللـي بتالـي الحشيشـة=عقب الدرك شرب القراح النقاريـش
جمسٍ يربح كـل مـن حـط شيشـة=يتعـب بتعبيتـه طـوال الخراطيـش
إلى وقف يكـوي الكبـود الغشيشـة=وإلى مشى ما يلحقه مومي الريـش
برقٍ من العارض جذبنـي رعيشـه=يـوم يتـلالا بالمـزون المراهيـش
وأثره ما يسقـي الكبـود العطيشـة=يبرق ويرعد مير مدري على ويـش
لا تحتزم باللـي ضلوعـه هشيشـة=اللي ليا سمع النـداء صـد تطنيـش
لا تحتزم بـه لـو تحيـزم بخيشـة=ما يقطع الدِيـان ركـض الأكاديـش
وبيتٍ بليـا سـاس مثـل العريشـة=يطيح لـو لمـع ببويـه و ورنيـش
وجرد السهـال الخاليـات الوحيشـة=اللي تطوى في شجرهـا الحنافيـش
أخير من ضله ،،، وبعض المعيشـة=يعافها الطيب ،، ويفرح بهـا الديـش
وقال المثل : ( مامن ورى طلع بيشة=عيشة ) وراس الضبي ما به عراميش

عبد الله بن زويبن الحربي

منقول

صح لسانك قصيدة من شاعر كبير غائب اعلامياً للاسف

هلا بالعمري

صحيح ماقلته الاعلام يرفع ناس ويظلم ناس
كثير من الشعراء مظلومين اعلاميا او لايحبون الظهور الاعلامي

شاكر مرورك ابو ناصر

الله الله عليك يابو حواس
يعطيك الف عافية بها القصيده

صح لسان الشاعر ابن زوين الذي تسلل ووصل الى قمة الابداع

والشهاده فيه مجروحه

الفديع الله يعطيك العافيه على النقل الموفق

تقبل حضوري واجمل التحايا لشخصك الكريم..

جمسٍ يربح كـل مـن حـط شيشـة=يتعـب بتعبيتـه طـوال الخراطيـش



صح لسان أبو زويبن وصح منقولك يالفديع
وننتظر الجديد

صح لسان الشاعر : عبدالله بن زويبن

و بيض الله وجهك و لا هنت