وله البر

ياراكب اللي للفيافي مورد
* دفع رباعي بقس من مصنع الفورد

المصنع اللي باالصناعه تمرد
* بصناعته تطوير للحر والبرد

هوالوحيد اللي بنوعه تفرد
* تصميمه رياضي وللصيد والطرد

ماودك تشوفه عيون المقرد
* تخشى عليه من اهل الحسد والمرد

ابي لاطاح الوسم والوقت برد
* خوت رجال العرف ومطارد الشرد

لاقيل شفنا العشب ونشوف شرد
* وصار الخبر ماكود ما هو طرف سرد

قبل عصافير الحديقه تغـرد
* من قبه سرحته مع سهالها الجرد

معي خوين كن هرجه زمرد
* ماهو من اللي يثرد السالفه ثرد

متعلمن من شايبله عجرد
* ماينطرم حلقه تقل قاضبه زرد

يعجبك بسلوبه مع الاخذوالرد
* حق الخوي على الخوي يجرده جرد

من العرف والمعروف ماهومجرد
* يتوج الخوه اكليل(ن) من الورد




للشاعر الكبير//مرزوق بن مقبل بن غثيان الفهيدي الحربي

ابوفهد

صح لسان من قالها و سلمت يمناك على النـقــل

صح بدنك

اخوي فهد الحربي

اسعدني مرورك والف هلا بك في متصفحي ودمت بكل خير وسلامه