هذه القصيده للشاعر الكبير .. فهد بن محمد الحربي
والملقب (بالسبيعي)
اعجبت صديقه وخوي دربه الشاعر الكبير / مرزوق بن مقبل الفهيدي والملقب( فهيدي قبه ) وجاراها
واليكم قصيدة ابوسلمان


يقول فهد محمد:

يقول من بدع المثل مايكيده
لامن هاجوس الضماير طرقها

انا اليا مني كتبت القصيده
اقفل معانيها وبرشم حلقها

الياسرقها واحد(ن) ماتفيده
والناس تدري منهو اللي سرقها

اشوف لي عادات ماهي حميده
من يم ناس(ن) شالها اللي خلقها

الشعر فاكهة الزمان الوحيده
مع الاسف قام ايتساقط ورقها

وان شفت لي مغرور ينفخ وريده
اغض طرف العين والاذن صقها

وان قال انا بن فلان قصرت قيده
اخبًط الغابه وطير اسمقها

ماني مثل من يعمي العين بيده
خبل(ن) يدان بكلمة(ن) مانطقها

يجي املس(ن) ويقال وش هالوليده
طباخ فاس(ن) طامع(ن) في مرقها

تم الكلام اللي رموزه عديده
عشاق ميزات الرجال ايعشقها



مجارات ابوفهد:

يافهد دايم مفرداتك فريده
لاقلتها ماحد(ن) يجود شنقها

زود اعجابي بالبيوت الجديده
رمز(ن) بها عن كل معنى فرقها

تبحل معانيها عميل الجريده
لو يطمع بتلصيقها مالصقها

ماتنفعه لو حطها في رصيده
البل يعرفون الرجال امعمقها

الشعر يعرف من سنين بعيده
ماكل صيده صادها اللي درقها

وش عاد لو فل الشريط ويعيده
خبل(ن) جبينه مايندي عرقها

ماخاف من يوم العذاب وعيده
ولا اعتبر في قوم نوح وغرقها

مايؤمن بالاسلام دين وعقيده
يروج كل اديانة(ن) يعتنقها

لعل راع الزور ماله شريده
اللي ايحرف السالفه ويخنقها

والحسد يوجد بالقلوب البليده
شاقين بناس(ن) كيف ربي رزقها

والرزق من المعبود ياصل عبيده
مايمنعها خبث النفوس وحمقها


ابو فهد

للشاعر الكبير ،،مرزوق بن مقبل بن غثيان الفهيدي الحربي ,

__________________

بسم الله الرحمن الرحيم


الله..الله .. على القصيدة الرائعة


جزاك الله خيرا ولاتكف من فضلك وأتحفنا وأمتعنا بإبداعات شاعرنا الكبير

ابداااع بمعـنا الكـلمـة

تسلم و صح لسان من قالها و تسلم على النــقل

فيصل الغضيان

فهد مبارك الحربي

يسعدني مروركم وياهلا بكم ودمتم سالمين