هذه القصيده من القصائد الفكاهيه


للشاعر ابوفهد وهو يتحاور شعريا مع الحظ.


يقول الشاعر ابوفهد:


الرجل له بالمرجله قصد واحلام
وانكان ماطاوع له الوقت طاعه
واهل المثل قالو لي الحظ لاقام
اتعدي بحط ولا تعدي بشجاعه


فرد عليه الحظ يقول:

يابوفهد معناك حللته اشمام
تراي ماتصلح علي الاشاعه
وانا على لازمك عزام جزام
لو تمشي بدرب(ن) تقانب اسباعه

قال الشاعر:

يقوله اللي كل ماينجضع نام
عن واجبه دايم تجيه انجضاعه
الناس قدمك تبني اقصور وخيام
وانته تفوتك واتعقبك الطماعه

قال الحظ:

ياما جهمت ادور ارضاك مجهام
والصبح توه ماتبين شعاعه
من يبذل المجهود ماضني ايلام
لاتقول حظي مايرفرف اشراعه

قال الشاعر :

بالارض عرض وطول ماليُ مرسام
لا بالسكن يوجد ولا بالزراعه
ولا بيك تفزع عقب صرً(ن) الاقلام
باللي حصل عندي يقين وقناعه

قال الحظ:

مذهب كنه مذهب الطير غشام
اللي ايتغير مذهبه كل ساعه
الراي عنده لرتفع بالسماء وحام
ماينعرف له بين خوف وقطاعه


قال الشاعر :

اثرك مع كثر العذاريب نمام
اللي يقول الزور ماله شفاعه
من لاتقيد في تعاليم الاسلام
يمكن بسيف الشرع يقطع انخاعه
...........

ابو فهد

للشاعر الكبير / مرزوق مقبل بن غثيان الفهيدي الحربي

مشكوووووور والله يعطيك الف عافيه
ونعم فيك وبالشاعر الكبير . مرزوق بن مقبل

صح بدنك

اخوي جمال العلوي

ونعم فيك انت وياهلا بك في متصفحي واشكرك على المرور المميز..