هذه القصيده الرائعه من روائع الشاعر الكبير ،،،ابوفهد
وهي على قافية نادر ماتطرق لها الشعار لصعوبة
قافية الصدر واليكم مايقول:

هرج الحقيقه

العيب يالملاق بالسرد والملق
هرج الحقيقه غير هرج اللفايق

الناس تفهم جوهر العلم والزلق
الطيب من دونه اتواجه عوايق

مايصدق الهلاق لو كثر الهلق
احصد وغمر ماش عند الحقايق

الا اليا حصل ريال اخنقه خنق
سكر عليه الباب مع الطوايق

وحلف على انه مايشم الهوا الطلق
يقول جل المال جمع الدقايق

ومن القصى بالبيع والمشترا غلق
ماتعامله من دون كتب وثايق

واللي على باله يزته من الحلق
مايسوق بسلوم الرجال السوايق

لايطاول ارجال(ن) دياوينهم دلق
ملاذ للي يشكي الظيم ضايق

على القسا واللين فيهم سعة خلق
اجمال(ن) تشيل احمولها والوسايق

ولا الردي مايقدر ايثور بالعلق
لايشيل حمل ولايشيل العلايق

خلا الحقوق اللي فرض خالق الخلق
وشلون مايخلي اسلوم الخلايق



للشاعر الكبير,,مرزوق بن مقبل بن غثيان الفهيدي الحربي.
ابو فهد
__________________

مشكوووووور والله يعطيك الف عافيه
صح لسانك ولسان قايلها

صح بدنك
اخوي جمال العلوي
واتشرف في مرورك طالعمرك ودمت بودومحبه