ديوان الشـاعر - عبدالله بن زويبن الحربي
داهية الشعـر / عبدالله ابن زويبن الحربي
:: ₪ :: :: ₪ ::
في زمن لا يروي من ظمأ الشعر إلا أجزله نقف مع ترجمة شاعر تدرج بثقة ليصعد على منبر الإبداع في كل حضور له، ويسرق الأضواء في كل مشاركة يدعى لها.. وفي هذه القراءة السريعة لشاعر تنحني أمامه عبارات الإطراء خجلاً من قصورها عن أداء ما يستحق هذا المبدع لأنها أمام قامة شعرية سامقة تنبجس من صدره عيون الشعر الحقيقي لن أكون مبالغاً حينما أجزم أن الشاعر عبدالله بن زويبن الحربي قد جاء في وقت أشد ما تكون الساحة بحاجة إليه رغم أن الأضواء لم تخدمه، فقد كان وفياً للأمانة التي وهبها له الله ولم ينشغل عن ذلك بالهرولة لاستجداء المطبوعات لتلميعه، ولم يكن لأيّ منها سهم السبق في احتوائه
أيّها الشعر عذراً..
فأنا أمام أستاذ من أساتذتك بل مدرسة من مدارس الإبداع، وسأتناول بعض الشواهد مما فاضت بها قريحة شاعرنا بدأ بقصيدته المليئة بالحكم وجزالة الأسلوب والتي منها:
الناس بالحق حكم الشيخ ما ارضاها
ما ترضي الناس لو انك تحججها
إلى قوله:
وان جاتنا الطيبة بالطيب زدناها
الطيبة بالعسل والسمن نمزجها
وان جاتنا الثانية نصبر ونرفاها
يمكن اليافاق راعيها يعالجها
وان عادها عودةٍ ما عاد ما ينساها
من حربةٍ في صميم الصدر نولجها
مسمومةٍ يبلش الدكتور بدواها
ما يقنع الخبل لين أنه يلامجها
وقد سماها الشاعر الكبير غازي بن عون (بالدرة) حينما قال مسنداً على ابن زويبن ومشيداً بها حيث قال:
يا بن زويبن بعصر العلم والذرة
أنتجت لك درةٍ صعب مجاراها
من حسن توظيفها سميتها الدرة
ذبح زميلك تمايمها وسماها
ياما قنصنا على يمتك كم مره
مير أنت تلقا غفالٍ ما لقيناها
والشاعر عبدالله بن زويبن شعره متعدد الأغراض، وقد أشاد به مجموعة من كبار الشعراء، كما جراه الشاعر عبدالله بن عون في إحدى قصائده وهذا يدل دلالة واضحة على قوة شاعرية ابن زويبن وسلاسة أبياته وإعجاب عمالقة الشعر وإيمانهم بأن مثل هذه النوادر لا تمر مروراً عابراً بل يجب أن يقف عندها كلُّ متذوق وهاوٍ للشعر وقوف الإعجاب والاحترام . وفي صفحة أخرى من صفحات الحكمة نجده يفض بكارة المعاني بأجمل ما يكون تركيب البيت واستخدام المفردة حيث قال:
إبليس لولاه كل الناس بالجنة
لكن يلعب بنا راع التلاعيبي
×
إلى أن قال:
لو ما اقتدي في كتاب الله والسنة
خليت كلٍ على دينه يصلي بي
لقد تشربت نفسه الحكمة فلم يغلق لها باباً ولم يعقل لها ركاباً بل جعلها تشرق وتغرب يتزود بها الناقل ويصفق لها العاقل،
ولقد طرق شاعرنا جل أغراض الشعر ولم يكن في كل غرض أقل منه إبداعاً عن سابقه، ففي الوصف يقول في إحدى قصائده:
فوق خبراً جمعت كل البوادي
كل من عِلَم بها شد ووردها
سيّلتها يوم هل قران حادي
مزنةٍ كبر القطاه اصغر بردها
وقال هذه النصيحة وهو يؤدي حق الأبوة بأدب الشعراء مخاطباً ابنه بدر:
خلك شمالي عند زلت قرايبك
وعلى الحقوق اليا نصّنك أحجازي
وللضيف والجيران لين جوانبك
وبالطيب جـاز وبالردى لا تجـازي
كما له كذلك في الحكمة والترفع عن سفاسف الأمور وذلك عندما قال:
من صد عني عنه يا بدر ما سلت
مالي وراء الناس المصدين شقوا
لو قال بي شذاب الأعراض ما قلت
قصرت عنه الشين شيمه وتقوا
وان كان لي حيلة صبرت وتحملت
وان قلت الحيلات حيل الله اقوا
ولدى شاعرنا مخزون كبير اكتسبه من مجالس الكبار ومعترك الحياة مما أكسبه ثقته بنفسه وذلك عندما قال:
نهتم في وزنها وإبرام معناها
ومن الكريستال واللولو نتوجها
عسى الخيـال
:: ₪ :: :: ₪ ::
عسى الخيال اللي بروقه لها ضـوح=يرخـي هماليـل الغشيـن القراحـي
على قرى ساحوق من فوق وطلـوح=و ريكات وذريـرة وهـاك المشاحـي
لو كان مالي فـي مراعيـه مصلـوح=لا نيـب لامـوده ولا نـي متـاحـي
متريحٍ مـن بيـن جـدران وسطـوح=مبطي مـن الثنتيـن خـالٍ مراحـي
لي صاحبٍ مملوح مع نزل مسـروح=يلعب بقلبـي لعبـة مضيـم ضاحـي
وجدي عليها وجد من جاه ساموح=بنحـور قـومٍ يشهـرون السلاحـي
عنده ثـلاث أذواد ماهـن بشرشـوح=خلفاتهـن تسعيـن غيـر اللقـاحـي
إلى صعـق جنـه عرازيـل وطفـوح=تركي على راس الغزال اللواحـي
وجاهن عقيـدٍ زاحهـن كلهـن زوح=وربعـه وراه يجمعـون الطيـاحـي
و تخالفوا عند الطفـوح أم طلطـوح=أم الخراطيـم الـطّـوال الشنـاحـي
و أن صد قام الغيض يسقيه ذرنـوح=وإليا بغى يفتكهـا ، مـن يناحـي ؟
وجاهم بدون شعور مع راس جـردوح=و رموه عطبيـن المرامـي وطاحـي
كد كنت عن روس المراقيب منصـوح=نصيحـةٍ مـا كلـلـت بالنجـاحـي
قام الحمام ينـوح فـي قمـة الـدوح=غنـى وأنـا نايـم وفزيـت صاحـي
أخذت لـي غطـه وصحانـي النـوح=وقعدت ألاحـي ليـن لاح الصباحـي
و عديت من روس المراقيب لحلـوح=لحلوح مـن روس المراقيـب فاحـي
مدملجٍ ممسـوح جنبـه تقـل لـوح=مثل الزجاج تمـوج عنـه الرياحـي
عديت به سالـم وحولـت مجـروح=وأنا أحسب أنه سلوتـي و انشراحـي
حولت في جرحيـن مغلـق ومفتـوح=وطعون شلفٍ مـن جميـع النواحـي
وشميت لي ريحٍ خطيرٍ علـى الـروح=ريحـان والريحـان سـمٍ ذحـاحـي
لاكـان كاننـي تشافيـت مسـمـوح=وإن مت جعلك مـن ذنوبـي مباحـي
إلا أن حبك تقضيـة وقـت ومـزوح=قلها على المكشوف وأطلق سراحـي
ما يشبع الجيعان من ريحـة الفـوح=ولا يزي الضميان شـوف الضحاحـي
لا زم تبين لي عن الحـب منضـوح=ما بالخفـى خيـر البيـاح البياحـي
أما أنتظر وإلا أنسحـب عنـك وأروح=وأنته تروح وجعـل دربـك سماحـي
و راسك من الشرهات بالسمن ممسوح=واللي طونّـه بيـض الأيـام راحـي
تعبت وأتعبت فكري
:: ₪ :: :: ₪ ::
تعبـت واتعبـت فكـري فـي تفاكـيـره=اللـي لهـا داع واللـي مالهـا داعــي
اللـي لهـا فـي جليـل الملـك تذكيـره=في تالـي الليـل يـوم النـاس هجاعـي
من ضاع له شي لـو كثـرت تحاسيـره=كد قيل مايحيـي الميـت بكـاء الناعـي
يامـل قلـب ٍ تقـل فـي داخلـه نيـره=مافيـه عـرقٍ متيـن وغـض ماماعـي
امسـى مثـل وادي ٍ خضـراء نواويـره=واصبـح مثـل واديٍ مافيـه مربـاعـي
حطيتنـي يازمـان الغـدر فـي حيـره=ضيعتنـي بيـن مدخالـي ومطـلاعـي
الهـم دقيـت فـي كـبـدي مسامـيـره=سـم الافاعـي تجرعـنـي تجـراعـي
الغـيـب لـغـز ولا يعـلـم بتفسـيـره=ياكود مـن ترقـد العالـم وهـو واعـي
الملـك بيـديـن راع المـلـك تدبـيـره=مايملكـه لاملـك دولــه ولا راعــي
ربي وانا ارجيه ماارجـي واحـدٍ غيـره=هو الذي فـي يـده تحسيـن الاوضاعـي
يالعبد لـو طـرت مالـك عـن مقاديـره=اليـا نـوى شـي مالـه عنـه مناعـي
لو تشلـق الثـوب مـن ذيلـه لازاريـره=والا تقطـع مـن الفـرحـة تقطـاعـي
الوقـت لابـد لـه ضحكـة وتكشـيـره=متـعـرضٍ للتقـلـب والتـزعـزاعـي
اسري مع الليل مـن ديـرة الـى ديـره=والليا اصبح الصبح ضعت وضاع مرماعي
ألعـب بشعـر النبـط وأوزن معايـيـره=وزن الذهـب بيـن متسـوق وبيـاعـي
والصعب ماهو عليـه صعـب تصخيـره=الليـا بغيتـه يطيـع يصيـر مطواعـي
واليوم كثـروا علـى الساحـه مغاويـره=كلٍ ركـب لـه جـواد وجـاك فزاعـي
مافيـه عـدٍ يعرفـون العـرب بـيـره=الا بجنبـه ثمانـيـن الــف نبـاعـي
وكـل لحالـه تصفـق لـه جماهـيـره=ياكثر صفق الكفـوف وطـق الاصباعـي
لو يابـس السـدر ماعاشـت عصافيـره=تصرعـت قبـل مايابـس تصـراعـي
كـلٍ يقيَـم وقــدرة مـثـل تقـديـره=الحـج لله واجــر الـحـج للسـاعـي
وكـل يحاسـب علـى مبلـغ فواتـيـره=والخـام باليـاردة والكيـل بالصـاعـي
لـو البضايـع تبـاع بـدون تسعـيـره=مايمـرح الفقـر فـي مخبـاة طماعـي
اليا رزقنا الله نبي نشتري جيب
:: ₪ :: :: ₪ ::
اليا رزقنا الله نبي نشتري جيب = آخر موديل .. اللي تحنه عن اللمس
مافيه لاطقه .. ولافيه تهريب = وصوته مثل صوت المناجاة والهمس
لكن متى مايسره عالم الغيب = وإلا السفر ماعاد نطريه بالجمس
خفنا وخوفنا وشفنا به الريب = عقب الطريق اللي عطيناه قبل أمس
ولولا مديله راح مابه عذاريب = بَوش ولونه كد تغير من الشمس
والوقت بَيد ناطحين المواجيب = اللي يغمسون اللحى بالدسم غمس
مروية علط السيوف المحاديب = من مقدم السلة إلى مقبض الخمس
ماباقي إلا ذكرهم مع هل الطيب = باقي وهم بالمجتمع مالهم رمس
باموالهم ماورثوا عقبهم صيب = قضوا وهم حيين بالطبخ والحمس
لعلهـا دايــم تـصـب الهماليـل
:: ₪ :: :: ₪ ::
ياسعود عسى داركـم عمهـا السيـل=عقب البروق اللـي تكاشـف جهتهـا
عطنـي جميـع اخبارهـا بالتفاصيـل=عسـى الرجـوع التالـيـة سيلتـهـا
لعلهـا دايــم تـصـب الهماليـل=علـى الفـروع جبالهـا واوديتـهـا
دار ربـو فيهـا الرجـال المشاكيـل=من ماضي الايـام مـا احـد شمتهـا
حمايـة الخايـف وصبابـة الهـيـل=وعوق السمين الللـي تمـوح ذنبتهـا
لو كان ما رجي من وراها محاصيـل=مير الرجـال تحـب مـن سامعتهـا
وفي ضفهـم راع العيـون المكاحيـل=اللـي يـذوب القلـب مـن سلهمتهـا
إلى اقبلت قـام يتكفكـف دجـا الليـل=كـل الـديـار المظلـمـة نورتـهـا
وإلى ادبرت غطت جسدها المجاديـل=بيـن الخلايـق لـو تعـرى كستهـا
أن كفتـه مثـل الغصـون المحاميـل=وان فلـتـه قــام يتثـنـى تحتـهـا
كنه سبيب اللـي ليـا ماحـت الذيـل=راسـه تعـدى راسـهـا وارقبتـهـا
صفرا وهي بعذارها سمعـت الخيـل=اشد من ضـرب الدفـوف أرجفتهـا
وقامت تشيل بنفسهـا بالسمـاء شيـل=وصاح النذيـر وسبـق الخيـل جتهـا
خيالهـا دايـم علـى خصمـه الميـل=إلـى فـرق رجليـه عـن معرقتهـا
شيـخ مضريهـا لنـطـح المقابـيـل=صـوب الخـلا بعنانـهـا ماعفتـهـا
تفرح بـه اللـي ماروراهـا رياجيـل=وصكت عليهـا خيـل قـوم وخذتهـا
عن كبدها يجلـى الصـدا والبهاذيـل=إلى لفت فيـه الصـدف مـن بختهـا
نادى لهـا يـام الحلـق والخلاخيـل=ويـن اتجـاه القـوم يـوم اقتفتهـا
وقامـت بذرعـان زهتهـا المفاتـيـل=تنعـت وراهـم ليـن وكـد نعتـهـا
وقامت تزغـرد بالغنـاء والمواويـل=وجاه الدهاش وشاش مـن غطرفتهـا
وأومى بهم مثـل الهـوى بالمخاييـل=وضاقت بهم جـرد السهـال وسعتهـا
من راح ماعود ومن طـاح مـا شيـل=وقطم الحذا راجـت عليهـا غبرتهـا
فيما مضى واوردتها ضـرب تمثيـل=لوكـان دورات الزمـن كـد محتهـا
دنيا تفـرق شمـل جيـل بعـد جيـل=قدامـنـا كــم عـاالـم فرقـتـهـا
دارت بنـا الايـام مثـل المحاحـيـل=عنهـا نحـت فيـه وعنـي نحتـهـا
نحت ولاجتنـي خطـوط ومراسيـل=وإلـى كتـبـت رسـالـة ماقرتـهـا
لاكـن قـرار الحـب مافيـه تعديـل=لو عشت بالدنيـا إلـى آخـر سنتهـا
هاض الضمير وقلت من عر ض ماقيل=واخير مـن سـرد العلـوم اثمرتهـا
اختـرت ماتصصلـح عليـه التعاليـل=عند الرجـال اللـي تصـوغ أمثلتهـا
بعض الرجال يقابـل الكيـل بالكيـل=وبعـض الرجـال تحدهـا معرفتهـا
والنـاس بالللـي ماتعرفـه جهاهيـل=ويبيـن غـيـب قلوبـهـا بالسنتـهـا
وتعـرف فصيلـة دمهـا بالتحالـيـل=وتبـيـن جنسياتـهـا مــن لغتـهـا
سمعت لي كلمةٍ مدري وش أقصاها
:: ₪ :: :: ₪ ::
سمعت لي كلمـة مـدري وش اقصاهـا=حـزت بنفسـي وأنـا مانيـب هارجهـا
لـو كـل كلـمـة إليا جتـنـا طردنـاهـا=بعنـا الثميـنـة بسـعـر مايخارجـهـا
لـو مـرت السمـع ماكنـا سمعنـاهـا=ونقفـل الـراس عنـهـا لا يبرمجـهـا
ومـن يـم هــذا لـهـذا مانقلنـاهـا=والنـاس واجـد وتلقـى مـن يروجهـا
مـن جابهـا بيـن خـلـق الله وداهــا=لو بـه مراجـل تـرى نفسـه يسمجهـا
ومن عامل الناس فـي سابـق خطاياهـا=يقعـد بـدارن خــلا مــاداج دايجـهـا
فـي كنـة تشـوي الجربـوع رمضاهـا=وتابس غصون الشجر من حـر واهجهـا
والناس بالحق حكم الشيخ مـا أرضاهـا=ماتقنـع النـاس لـو انــك تحججـهـا
ياللـي تبـا الطيبـة خذهـا وعطنـاهـا=وخـل الطريـفـة طـريـة لا تثلجـهـا
وأقضب طريـق الأوادم وامـش ممشاهـا=أتبـع دروب العـرب وأدرج مدارجـهـا
وأرسـم لنفسـك حــدود ولا تعـداهـا=من حط نفسه بـدرب الضيـق يحرجهـا
وان كـان نفسـك هواهـا قـام ينحاهـا=حط الأعنـة بـروس الخيـل وأسرجهـا
وفـكـر بمنكافـهـا قــدام مغـزاهـا=واضـرب حساباتهـا وتشـوف ناتجهـا
وكـل بعضـده يمـوح الدلـو برشاهـا=وتلقى كبـود الضوامـي مـن يبرهجهـا
وان كان تـوك علـى صـدرك تهجاهـا=حنـا ترانـا نـدرس فــي مناهجـهـا
مـن يـم مصباحهـا نبعـد معشـاهـا=إلـى قعـد راعـي الضـلـع يدرجـهـا
لو هي صعيبـة إلـى انعاجـت عدلناهـا=واللـي تجـي مستقيمـة مـا نعروجهـا
نهتـم فـي وزنهـا وابــرام معنـاهـا=ومـن الكرستـال واللـولـو نتوجـهـا
مثـل الجواهـر ليـا مـنـا نضمنـاهـا=وسلوكها مـن جديـد الـزري ننسجهـا
مخايـل ترتـدم والـصـدر منشـاهـا=لا دك بالـبـال داكـــوك يهيـجـهـا
وليا أمطرت ضاقت الوديـان فـي ماهـا=تاخذ إلـى الحـول مـا يبسـت مدالجهـا
وان صدت الناس عنـا مـا أعترضناهـا=مـا تقفـي النـاس عـنـا ونتولجـهـا
وإن جاتنـا الطيبـة بالطـيـب زدنـاهـا=الطيبـة بالعسـل والسـمـن نمزجـهـا
وان جاتنـا الثانيـة نصـبـر ونرفـاهـا=يمكـن إليا فـاق راعيهـا يعالجـهـا
وان عادهـا عـودة مـاعـاد ينسـاهـا=من حربة فـي صميـم الصـدر نولجهـا
مسمومـة يبلـش الدكـتـور بـدواهـا=مايقنـع الخبـل ليـن أنــه يلامجـهـا
يا وجودي وجد مجروح الفـوادي
:: ₪ :: :: ₪ ::
يا وجودي وجد مجروح الفـوادي=من هنوف ثوبها يجـرح نهدهـا
شافهـا بالملعبـة يـوم العيـادي=طشت الشيلة و ماحت في جعدهـا
كنهـا بالملعبـة صفـرا تـرادي=بالحبـال اللـي ملـواتٍ عقدهـا
سمعت أصوات العزاوي والهنادي=من عياطير السطر يطفر زبدهـا
تحتري شيـخٍ يقـود ولا يقـادي=منكفٍ بطماعـةٍ لحقـوا طردهـا
لحقوا الفرسان بظهـور الجيـادي=وكل راعي مهرةٍ ركـب ولكدهـا
لابةٍ تقلط علـى جمـع المعـادي=مير ربي عاقها وأطفـى سعدهـا
خيلهم يم الخـلا عقـب الطـرادي=ما تبقي مـا يبقـى مـن جهدهـا
روحت مثل النعام امـع الحمـادي=يوم سمعت صوت خيالٍ رهدهـا
بنت شيخٍ مـا ينافـس بالشـدادي=كلمتـه كـل القبيلـة تعتمـدهـا
ما تلد بعينها في شخـص عـادي=ولا يسود الغابة إلا حكـم أسدهـا
أتفق معها علـى غيـر الفسـادي=ايتزوجهـا وياخـذهـا بيـدهـا
فوق خبرا جمعـت كـل البـوادي=كل من علم بهـا شـد ووردهـا
سيلتها يـوم هـل قـران حـادي=مزنةٍ كبر القطاة أصغـر بردهـا
وكل مدة قيضهم والوضع هـادي=وأن حصل له فرصة جدد عهدهـا
لين قام الحـر ينقـص والبـرادي=يتزايد والمـزون أوحـم رعدهـا
ناحرت لديارهـا قطـم التـوادي=أورحت ريح الحيـا يمـت بلدهـا
وأرسلوا عساس للعلـم الوكـادي=ثم جاهم فـي علـومٍ مـا بعدهـا
ما بعدها غير صوت اللي ينـادي=وكل راعي خيمـةٍ شلـع وتدهـا
وقربوا حمر الونيتـات الجـدادي=والبيوت السود طاروا في عمدهـا
أستخفـوا تقـل قافيهـم هجـادي=كل ما جو مصغرٍ شالـوا ولدهـا
مالهم يم الغنـم شـف ومـرادي=مـا شقـوا بنعيمهـا ولا نجدهـا
روحت قطعانهم مثـل الجـرادي=تتعب الحساب ما يحصي عددهـا
والهوى معروف شيٍ لا إيـرادي=والنتيجة موسفة ما أحـدٍ حمدهـا
يتسرب مع حـلاه مـن المبـادي=سم حية والفـراق أمـر وأدهـى
لو صبر راع الهوى صبر المهادي=الجروح تبيـن لـو أنـه جحدهـا
أنطلق مع دربهـم حاديـه حـادي=وكل ما جاء نزلةٍ مـر ونشدهـا
لين بـاد ولا لقـى علـمٍ وكـادي=باهت الأخبار عنهم مـا وجدهـا
كنت غادي وأحسب المدّل غـادي=والنتيجة تنكشف لو طـال أمدهـا
كنت أغني مـع مغنـي يابـلادي=وأحسب أن اسمي مسجل في سندها
لين عرضت للمسـاوم والمـزادي=عكس ما جاء في كتاب اللي مهدها
الله يباشر خبة النقع بالسيل
:: ₪ :: :: ₪ ::
الله يباشر خبة النقع بالسيل=من المزون اللي حقوق ٍ هللها
عسى عليها كل ليلة هماليل=عقب المحل . . لين يتشابك نفلها
ياما أذبح فيها من الحشو والحيل=بمخيمات ٍ تكرم الضيف أهلها
وياماسطع فيها شعاع القناديل=عنها غياهيب الظلام يعزلها
عشرين ليله كن مالله خلق ليل=أضواء ونيران ٍ تشاعل كتلها
كل القبيلة دون شرح وتفاصيل=ماغاب غايبها بكامل خصلها
تكاتفوا بالمهرجان الرياجيل=كل ٍ حضر وأقصى جهوده بذلها
وسدم طريق اللي يدور مداخيل=وكل القبايل في نجاحه ذهلها
وحرب ٍ هل الامجاد جيل ٍ بعد جيل=لهم فعول ٍ غيرهم مافعلها
موثقه من دون إضافه وتعديل=ومن لايسند حجته ماعدلها
فعل الوسيدي صدق ماهو بتمثيل=دون الخوي روحه تسبب بأجلها
والقبع خاله قص يمناه تنكيل=وستة نفوس بحد سيفه قتلها
وحجرف ذلوله يوم جوه الهواشيل=قام ونحرها للضيوف ونجلها
والليا تعلم ضمر الجيش والخيل=كم قطنة ٍ ماخلوا إلا حللها
وفعولهم ماهي ماغير المصاويل=حتى العجم خاضوا معارك دولها
واليوم توه قام حظ الوبابيل=كل ٍ عرض ذوده عقب ماسملها
في عدها المطلوب غير المخاليل=خمسين متن وكل ذود بفحلها
كله بسبة ثالث الجدي وسهيل=أبن دليم اللي بجهده صقلها
عبدالله اللي ذلل الصعب تذليل=يوم أوثقت به لابته ماخذلها
شق الطريق وطنش القول والقيل=تمره العوجا وتمشي قبلها
من كل جانب كلل الجهد تكليل=لين الأمور اللي يبيها وصلها
علومي وأنا صبي
:: ₪ :: :: ₪ ::
إن كان تنشد عن علومي وأنا صبي= ابتذكرها واعلمك عنها
لو هي بصفحات ٍ طواها الزمن طي= جرة مطر جاها عجاج ودفنها
ألعب طواريق الهوى مع هل الغي= اثقل المعنى واخفف لحنها
والشعر يبقى في قلوب العرب حي= ولا كل من سوى القصيدة تكنها
وأنا حداها حدي الاصعاب بعصي= واقودها قود الاديب برسنها
والحب مردوده على صاحبه سي= كم ضحكة ونَات قلبي ثمنها
أذكر سنة تسعه وتسعين هجري= الف وثلاثمية بداية زمنها
زلت بي الاقدام للشمس من فيَ= اقدار والاقدار تومر وتنهى ّّ
غافل وجتني من كوت خافقي كي= كية عطب لولا طبيب مكنها
أبعدت مضربها عن الصدر بيدي= ولدَت على كبدي برمح طعنها
وعرفت ماتخفيه في صدرها لي= من واقع النظرات مني ومنها
نظرت فيها مثل نظراتها في= وعجزت اقاومها وصديت عنها
كل النساء ظلماء وهي بينهن ضي= غطت شعاع الشمس أشعة بدنها
من الذهب تلبس خلاخيل وحلي= سود محاجرها وحمر وجنها
مدري تسمى من ومنين ومن أي= وش هي قبيلتها وموقع سكنها
راحت وانا مااعرف من اخبارها شي= الا رموز الموتر اللي حضنها
مدينة من بين ابو ظبي ودبي= لعلها كاننها هي وطنها
تمطر عليها السحب هذي ورى ذي= وديم الليا قفى تراها ودنها
يامل عيـن لهـا يوميـن زعلانـه
:: ₪ :: :: ₪ ::
يامل عيـن لهـا يوميـن زعلانـه=ومن الزعل نومها ماهـي أباغيتـه
من كلمة يوم جتنـي مالهـا خانـه=مدري لها قصد وإلا بـس تفويتـه
ياليت بعض الاوادم يقطـع لسانـه=الخبل يزعجك مير إن جاك وإن جيته
الخبل لاتنشده لو هو عـن اخوانـه=لاتنشد الخبـل ثـم تـدق ساقيتـه
واللي ورى التايهه يغويه شيطانـه=ويجنب اللازمه لو جـات ناصيتـه
لأدناة حاجة يجيك يشيـل محجانـه=أشجع من الكلب عند أطناب راعيته
خله لعـل الكـوارث بيـن حجانـه=ويطيح في واحـد ويفـش عافيتـه
من غرب ماهومن اصحابه وجيرانه=والااقرب الناس طابختـه وشاويتـه
وضعيف النفس لو تعطيـه رمانـه=حطك مثـل واحـد يحييـه ويميتـه
التعديل الأخير تم بواسطة فيصل الغضيان ; 10-07-2009 الساعة 05:01 AM.
|
العرض العادي
